Réttindi þín á vinnumarkaði
Þekktu réttindi þín svo þú getir staðið með sjálfri þér.
Ráðningarsamningur
Þú átt rétt á skriflegum ráðningarsamningi sem tilgreinir starf, laun, vinnutíma, uppsagnarfrest og önnur kjör. Lestu hann vel áður en þú skrifar undir og spyrðu ef eitthvað er óljóst.
Orlof og veikindaréttur
Launþegar ávinna sér orlof, að lágmarki 24 daga á ári, og fá greitt orlofsfé. Veikindaréttur byggir á kjarasamningi og starfstíma, og tryggir laun í tiltekinn tíma þegar þú ert veik.
Réttindi geta verið betri en lágmarkið eftir samningi og starfsgrein, svo það borgar sig að þekkja samninginn sem á við þig.
Stéttarfélög
Flestir launþegar á Íslandi greiða í stéttarfélag sem semur um kjör þeirra og veitir margvíslegan stuðning, svo sem sjúkrasjóð, orlofshús og styrki til náms. Stéttarfélagið er líka fyrsti viðkomustaður ef upp koma ágreiningsmál um laun eða réttindi.